Musieknuus

Die Sunset Music Series keer op Sondag 28 Junie 2026 terug na die Walter Sisulu Nasionale Botaniese Tuin in Roodepoort met 'n line-up wat min bekendstelling nodig het. Spoegwolf en Francois van Coke & Die Gevaar deel die verhoog vir 'n middag wat die beste van Afrikaanse alternatiewe musiek en rock vier.

Met haar nuwe enkelsnit, Hoor Jy My?, lewer die 25-jarige sanger en liedjieskrywer Aidan Kade 'n eerlike en emosioneel gelaaide vrystelling wat diep delf in kwesbaarheid, selfgelding en die universele behoefte om werklik gehoor te word. Die lied meng aangrypende vokale melodieë met 'n kontemporêre produksie wat elemente van alternatiewe pop, elektroniese atmosfeer en organiese instrumentasie saamweef.

Met sy nuwe enkelsnit, Polariteit, delf Rudi Kleingeld in die kompleksiteit van menswees en die spanning wat dikwels tussen teenoorgestelde emosies, gedagtes en waarhede bestaan. Die lied, wat op 19 Junie vrygestel is, ondersoek temas van identiteit, innerlike konflik en die vreemde manier waarop teenoorgesteldes mekaar terselfdertyd kan afstoot én aantrek. Dit is 'n tema waarmee baie luisteraars waarskynlik sal kan identifiseer.

Vir die Afrikaanse rockgroep Nikotien is hul jongste enkelsnit, Nikotien, veel meer as net nog 'n vrystelling. Volgens die groep is die lied in sy kern 'n liefdesbrief aan rockmusiek en die invloed wat dit oor die jare op hul lewens gehad het. Die lied ondersoek temas van verlore voel, selfontdekking en die rol wat musiek speel wanneer die lewe nie altyd sin maak nie.

Sommige herinneringe vervaag met tyd. Ander bly stilweg deel van wie ons is. Dit is juis hierdie gedagte wat die hart vorm van Rikus van der Vlies se nuwe enkelsnit, Steeds In My, wat op 12 Junie vrygestel is. Die liedjie is 'n introspektiewe refleksie oor verlange, nostalgie en die manier waarop sekere mense, plekke en oomblikke steeds by ons bly, selfs wanneer ons probeer aanbeweeg.

Inskrywings vir Taalgenoot-Ruk en Rym 2026 is amptelik oop, en alternatiewe Afrikaanse kunstenaars van regoor die land word genooi om hul musiek in te skryf. Sedert die kompetisie se ontstaan in 2023 het Ruk en Rym gegroei tot een van die belangrikste platforms vir nuwe stemme binne die alternatiewe Afrikaanse musiekwêreld.

Die alternatiewe Afrikaanse groep Dierbaar het hul vyfde enkelsnit, 'people pleaser', amptelik vrygestel. Die liedjie ondersoek 'n tema waarmee baie luisteraars waarskynlik sal kan identifiseer: die druk om voortdurend ander mense tevrede te probeer stel, selfs wanneer dit ten koste van jouself kom. Volgens die groep tref 'people pleaser' 'n balans tussen akoestiese en elektriese klanke en word dit beskryf as 'n kwesbare "deep cut".

Francois van Coke & Vriende keer op Vrydag 9 Oktober terug na die SunBet Arena by Time Square in Pretoria, en as die aankondiging enigiets is om op te gaan, wag daar weer 'n groot aand vir aanhangers van Afrikaanse rock en alternatiewe musiek. Die konsert, wat sedert 2018 jaar ná jaar uitverkoop, het oor die jare een van die grootste gebeurtenisse op die plaaslike alternatiewe musiekkalender geword. Wat Francois van Coke & Vriende anders maak, is die unieke konsep agter die p

Met haar nuwe enkelsnit, “Wie het die lig uit jou oë gesteel”, wys Sossi ’n meer persoonlike en kwesbare kant van haar musiek. Die lied is volgens haar een van die eerlikste liedjies wat sy nog as Sossi uitgereik het. Waar sommige van haar vorige liedjies meer energiek was, beweeg hierdie snit na ’n stiller ruimte. Die lied gaan oor die gevoel om aan hoop vas te hou wanneer dinge moeilik raak en die lewe onseker voel.

Van Londen en Birmingham tot Gent en Amsterdam, Francois van Coke, hoofsanger van Fokofpolisiekar, vertel van die toerlewe, herinneringe en die oomblikke tussen die shows tydens hul onlangse Europese avontuur. Vir baie mense is ‘n internasionale toer die foto’s op die verhoog, die uitverkoopte venues en die energie van die skare. Vir Fokofpolisiekar lê baie van die storie egter tussen die shows ook.

Met haar debuut-enkelsnit, “Egte Liefde”, bring Tamryn Madalé ’n eerlike kyk na liefde, nie die perfekte weergawe wat mens in flieks sien nie, maar die moeilike, rou en regte kant daarvan. Die Paarl-gebaseerde kunstenaar het haar lied vrygestel as deel van haar komende EP wat later vanjaar gaan verskyn. Met invloede van alternatiewe pop, introspektiewe lirieke en eerlike storievertelling bring Tamryn ’n sagte, emosionele styl na die Afrikaanse musiektoneel.

’n Nuwe Suid-Afrikaanse platform, Muza, hoop om die manier waarop kunstenaars hul musiek verkoop en met ondersteuners deel, te verander. Die idee agter Muza het ontstaan nadat die span agter die platform Japan besoek het en gesien het hoe gewild K-pop-groepe fisiese versamelbare musiekprodukte gebruik om aanhangers nader aan hul musiek te bring.

Met haar nuwe vrystelling, “Red My Van Myself (Die Eerlike Weergawe)”, neem die onafhanklike kunstenaar SKEUR luisteraars terug na waar die lied oorspronklik begin het, alleen agter ’n klavier, tussen moeilike emosies en laatnag stemopnames. Die lied is oorspronklik in 2025 self geskep in ’n gratis DAW-program, met Danny Helsing as mixing en recording engineer op die snit.

Daar is sekere albums wat meer doen as net goeie musiek maak. Hulle raak deel van mense se herinneringe, hul tienerjare en selfs hul identiteit. Vir baie aanhangers van alternatiewe Afrikaanse musiek bly Straatligkinders se Bloeisels een van daardie albums.

Vir Lizl Simoes van Pretoria is musiek meer as net ’n kreatiewe uitlaatklep, dit is ’n manier om mense te laat voel dat hulle raakgesien word. Die 24-jarige klavieronderwyseres en musikant stel nou haar debuut-enkelsnit, “Muurblom”, vry, ’n lied wat op 15 Mei op alle digitale platforms beskikbaar geword het.

Die Johannesburg-gebaseerde Afrikaanse indie-popgroep Donkerbaai het in Mei hul nuwe enkelsnit, “Sluk My Heel In”, op alle digitale platforms vrygestel. Die lied bou verder op die groep se unieke styl van nostalgiese indie-pop met eerlike emosies en moderne klanke.

Die bekroonde Afrikaanse sanger-liedjieskrywer Jan Blohm neem gehore op ’n diep persoonlike en musikale reis met sy splinternuwe vertoningsreeks, Tot daar waar die lig is - ’n viering van meer as twee dekades se liedjies, stories en groei.

Francois van Coke skop 2026 af met die vrystelling van sy nuwe enkelsnit en musiekvideo, “Nagmerries (Bye bye baby)”, die eerste van vier beplande vrystellings vir die jaar.

Liefde by die Dam het op Saterdag 18 April sy 10de verjaarsdag gevier, en dit was alles wat mens van só ’n mylpaal sou verwag. Oud en jonk het saamgekuier om die geleentheid te merk, en al het die dag bewolk begin, het die weer later oopgetrek en die perfekte atmosfeer geskep vir ’n dag vol musiek en viering.

Die Suid-Afrikaanse elektroniese duo VAN PLETZEN is gereed om weer die dansvloer oor te neem met die aankondiging van hul vyfde studio-album, Benaaihilism, wat op 29 April 2026 vrygestel word. Saam met hierdie aankondiging kom hul nuutste enkelsnit, Gqeberha Shake Dat Ass - ’n energieke en tong-in-die-kies ode aan een van Suid-Afrika se mees lewendige stede.