All Posts

Die Suid-Afrikaanse elektroniese duo VAN PLETZEN is gereed om weer die dansvloer oor te neem met die aankondiging van hul vyfde studio-album, Benaaihilism, wat op 29 April 2026 vrygestel word. Saam met hierdie aankondiging kom hul nuutste enkelsnit, Gqeberha Shake Dat Ass - ’n energieke en tong-in-die-kies ode aan een van Suid-Afrika se mees lewendige stede.

Die nuwe alternatiewe sangeres SKEUR maak haar merk met ’n unieke en eerlike nuwe EP wat nie bang is om buite die lyne te kleur nie. Met vyf liedjies wat elk hul eie identiteit dra, wys sy dat haar musiek nie in een boks geplaas kan word nie, en dit is presies die punt.

Die rebelse stem van die Afrikaanse pop-rock toneel, Lan3, is terug met ’n splinternuwe enkelsnit wat geen doekies omdraai nie. Met Middelvinger lewer sy ’n selfversekerde en onverskrokke boodskap aan kritici en twyfelaars: sy worry nie.

Na jare van stilte maak VanFokKingTasties uiteindelik hul langverwagte terugkeer, en dit beloof om een van die grootste alternatiewe Afrikaanse musiek-oomblikke van 2026 te wees. Vier van Bellville se mees ikoniese bands - Fokofpolisiekar, Van Coke Kartel, aKing en Die Heuwels Fantasties - span weer saam om die verhoog te deel, soos net hulle kan.

Met hul nuutste enkelsnit, MK Dae, bring die nuwe Afrikaanse rockgroep Kerk Straat nie net nostalgie terug nie, maar ook ’n belangrike gesprek oor egtheid in musiek. Die lied dien as ’n herinnering aan ’n tyd waar platforms soos MK nie net vermaak gebied het nie, maar ’n ruimte geskep het vir rou, eerlike stories en ’n generasie kunstenaars wat hul stemme ontdek het.

VAN PLETZEN en SOSSI span kragte saam vir hul splinternuwe enkelsnit, Maia-hee, ’n tong-in-die-kies herlewing van een van die wêreld se mees herkenbare dansliedere. Hierdie vrystelling dien as die tweede enkelsnit vanaf VAN PLETZEN se vyfde album, wat later vanjaar verwag word, en wys reeds dat die duo nie bang is om grense te skuif en pret te hê met hul klank nie.

Met die vrystelling van “Vir Nou” gee Schwabie luisteraars nog ’n voorsmakie van wat om te verwag van sy komende album, Vreedsaam. Hierdie snit is die tweede vrystelling van die projek, wat uiteindelik uit tien liedjies gaan bestaan. Die album sal nie alles op een slag verskyn nie, maar eerder stelselmatig deur die jaar vrygestel word, met ’n paar interessante samewerkings wat ook op pad is.

Chxnelle stel haar nuutste enkelsnit, Ek Het Jou, bekend, ’n lied wat nie oor groot gebare of dramatiese beloftes gaan nie, maar eerder oor die rustige sekerheid van liefde. Dit is ’n eerlike en intieme snit wat fokus op daardie skaars gevoel waar jy weet jy het reeds alles wat jy nodig het, net deur iemand se teenwoordigheid.

VAN PLETZEN is terug met ’n splinternuwe enkelsnit, Spoed, en dit is duidelik dat die duo geen planne het om stadiger te ry nie. Die snit dien as die eerste voorsmakie van hul opkomende vyfde album en bring ’n vars, energieke klank wat reguit gemik is op die dansvloer.

Francois van Coke vier ’n belangrike mylpaal met Happy en Lucky, ’n kort musiekdokumentêr wat die eerste tien jaar van sy sololoopbaan vasvang. Die film fokus op die tydperk vanaf 2015 tot 2025 en bied ’n eerlike en persoonlike reis op Francois se groei, uitdagings en invloede binne die Afrikaanse musiekbedryf.

Hendriék Bleik bring met sy weergawe van “Smoorverlief” ’n vars, emosioneel gelaaide interpretasie van ’n bekende Afrikaanse lied. Die snit is oorspronklik geskryf en vrygestel deur Riku Lätti in 2004, en het oor die jare ’n spesiale plek in die harte van baie luisteraars ingeneem. Vir Hendriék is hierdie lied nie net ’n cover nie, maar ’n persoonlike eerbetoon aan een van die min Afrikaanse kunstenaars na wie hy werklik geluister het.

Rooksein, die gewilde Afrikaanse groep wat in 2018 deur drie studente-vriende van Potchefstroom gestig is, betree ’n nuwe fase in hul musikale reis. Wat as ’n vriendskap en gedeelde passie vir musiek begin het, het oor die afgelope agt jaar ontwikkel tot ’n gevestigde naam in die Suid-Afrikaanse musiekbedryf.

Die storie agter Rikus van der Vlies se nuwe liedjie ‘Niks Meer.’ is effens paradoksaal. Dis ’n geval van alles is niks en niks is alles. Wat begin het by liefde, het gegroei tot ’n klomp gedigte, later ’n skildery en uiteindelik ’n break-up song.

Donkerbaai keer terug met hul jongste enkelsnit en musiekvideo, “Voel jy die son". Die groep, wat bekend is vir hul warm Afrikaanse indie-pop klank, bly getrou aan hul unieke styl terwyl hulle weer ’n emosionele en atmosferiese luisterervaring skep.

Met Agtergelaat bring Kristi Steyn ’n hartverskeurende, deurleefde nuwe lied wat direk praat met mense wie al te veel gegee het in die hoop dat liefde hulle sou red. Die lied is geskryf vir die gebroke harte; vir die mense wat gedink het dit gaan beter word; vir die wat probeer het tot daar niks van hulself oor was nie. Agtergelaat is nie net ’n lied nie - dit is ’n rou erkenning van hoe dit voel wanneer jy alles gee, jou hele hart oopvou, en tog uiteindelik alleen agterbly.

Die Pretoria-gebaseerde alternatiewe pop broers-duo Droomsindroom keer terug met hul nuutste projek, Simptome - ’n vier-track EP wat die rou emosies, hoop en onstuimigheid van ’n jong generasie vasvang. Dit is ’n projek wat nie net luister nie, maar voel, soos ’n polsslag wat onder die vel klop, soos die gedagte wat jou nie los nie, soos ’n waarheid wat uiteindelik naam kry.

Met Soet Somer bring NORRA ’n nuwe enkelsnit wat die warmte, humiditeit en emosionele kompleksiteit van ’n somerliefde vasvang. Die liedjie put uit herinneringe aan Hanoi se vogtige hitte - ’n liefde wat jaar ná jaar weer opvlam, maar altyd eindig in soutgesoende wange wanneer swerflus die jong verhouding uitmekaar trek. Dit is ’n vrystelling wat hul kenmerkende emosionele diepte en sterk beeldspraak onmiskenbaar na vore bring.

Die nuwe vrystelling “Kan Nie Kla Nie” bring Jacques Not Jack en Wolkbrein saam in ’n samewerking wat op die mees organiese manier moontlik ontstaan het. Die snit val in die indie-folk genre en is by Alwyn Bekker Studios aanmekaargesit, waar die volledige produksieproses plaasgevind het.

As ’n liedjieskrywer wat haar eie musiek skryf, beskryf Lan3 haar musiek as onbeskaamd rou. Dit geld ook vir haar nuwe lied, “Twee Gebede.” Wat begin het as ’n gewone, onverwagse Sondag sonder enige inspirasie, het uiteindelik verander in ’n lied wat diep emosionele snare raak en dieper betekenis gekry het as wat sy aanvanklik besef het.

Bekende Suid-Afrikaanse sangeres en liedjieskrywer Janie Bay het haar nuutste enkelsnit, “Gou Gou”, bekendgestel, ’n lied met ’n ligter, meer energieke klank wat steeds haar kenmerkende styl dra.