SCHWABIE EN VREEMD: SPAN SAAM VIR SPLINTERNUWE ENKELSNIT, "MISDAAD"
Updated: Sep 3
Twee unieke stemme in die alternatiewe Afrikaanse musiektoneel slaan vir die eerste keer musikale hande saam. Schwabie en Vreemd stel op Vrydag 7 Augustus hul splinternuwe enkelsnit, Misdaad, vry.
Die samewerking bring twee kunstenaars met hul eie kenmerkende style bymekaar en skep 'n vars klank wat die sterk punte van albei laat uitstaan. Dit is 'n samewerking wat jy dalk nie geweet het jy nodig het nie, maar een wat beslis die moeite werd is om dop te hou.
Met Misdaad kies Schwabie en Vreemd om eerlik te wees oor iets waarmee baie mense kan identifiseer. Die lied herinner jou daaraan dat niemand perfek is nie. Ons maak almal foute en neem soms verkeerde besluite, maar solank ons aanhou werk om beter mense te wees, sal daar altyd hoop en mooi wees.
Die lied is geskryf deur Henco Bosman (Vreemd) en Leon Henry Schwab (Schwabie), terwyl Ruan Graaff die vervaardiging behartig het.
Die nuwe enkelsnit Misdaad sal Vrydag 7 Augustus beskikbaar wees op alle digitale musiekplatforms, asook op ons Spotify en Apple Music-speellyste. - NUWE / ALTERNATIEF IN AFRIKAANS: Apple Music | Spotify
Comments