Vyf dorpe, vyf aande en ’n sterk dosis alternatiewe Afrikaanse musiek: Afrikalt se Boere Punk Toer trek van 15 tot 19 September deur die land met ’n wisselende groep kunstenaars. AfriKalt skop op 15 September sy Boere Punk Toer by Bohemia in Stellenbosch af. Van daar beweeg die toer deur Burgersdorp, Bloemfontein en Klerksdorp, voordat dit op 19 September by Railways Café in Centurion tot ’n einde kom.

Vir die Afrikaanse rockgroep Nikotien is hul jongste enkelsnit, Nikotien, veel meer as net nog 'n vrystelling. Volgens die groep is die lied in sy kern 'n liefdesbrief aan rockmusiek en die invloed wat dit oor die jare op hul lewens gehad het. Die lied ondersoek temas van verlore voel, selfontdekking en die rol wat musiek speel wanneer die lewe nie altyd sin maak nie.