SKEUR: SKOP NUWE TRILOGIE AF MET "DESPERAAT VIR FAME"

Verskaf / SKEUR

Alternatiewe kunstenaar SKEUR neem 'n nuwe koers met "Desperaat vir Fame". Dit is die eerste uitgawe in 'n trilogie musiekreeks wat die emosionele werklikheid van roem, jaloesie en die uitdagings van die musiekbedryf ondersoek.

Die trilogie bestaan uit drie liedjies wat in Augustus gaan verskyn. Ná "Desperaat vir Fame" kom "Musiekbedryf" op 14 Augustus. "My Naam Is..." sluit die reeks op 30 Augustus af. Volgens SKEUR vorm die drie liedjies saam een storie. Dit is eerlik, eksperimenteel en ongefilterd. Hoewel elke lied sy eie identiteit het, raak die projek temas soos frustrasie, uitsluiting, identiteit en die druk om in die musiekbedryf in te pas. Sy beskryf die laaste hoofstuk as die eerlikste van die drie, dit is geskryf uit 'n rou, emosionele plek. Terselfdertyd dra dit ook 'n boodskap van hoop en aanvaarding. Daar is plek vir almal in musiek, ongeag geslag, agtergrond of wie jy is.

Met hierdie vrystellings maak SKEUR dit duidelik dat sy nie belangstel om in bestaande boksies geplaas te word nie. Sy wil eerder haar eie pad stap en haar eie identiteit bou. Soos sy dit self beskryf, bevraagteken sy die grens tussen alternatief en die hoofstroom.

Die nuwe enkelsnit is op alle digitale platforms nou beskikbaar, asook op ons Spotify & Apple Music Speellyste - NUWE / ALTERNATIEF IN AFRIKAANS: Apple Music  | Spotify