JÄGERMEISTER SE 'HAUS OF KÜHL' EVENT VAN DIE JAAR IS HIER

Verskaf / Jägermeister Haus of Kuhl

Ná 'n rekord-uitverkoopte eerste fase is kaartjies vir fase twee van Jägermeister Haus of Kühl 2026 nou amptelik beskikbaar. Die geleentheid, wat op 25 Julie by Victoria Yards in Johannesburg plaasvind, het reeds groot belangstelling ontlok nadat die eerste kaartjiefase kort ná vrystelling uitverkoop het. Volgens Jägermeister bevestig die reaksie weer eens Haus of Kühl se plek as een van Suid-Afrika se gewildste kulturele ervarings.

Vanjaar fokus Haus of Kühl uitsluitlik op Johannesburg, 'n besluit wat volgens die organiseerders daarop gemik is om dieper konneksies, ryker ervarings en 'n meer volledige belewing van musiek, kultuur en kreatiwiteit te skep.

Verskaf / Brass Cartel

Victoria Yards sal vir die geleentheid omskep word in 'n kreatiewe speelgrond waar musiek, kuns en kultuur bymekaarkom. Die aand beloof om smaakmakers, skeppers en kultuurliefhebbers saam te bring vir wat beskryf word as die mees ambisieuse Haus of Kühl-ervaring tot dusver. Die belangstelling in die terugkeer van die geleentheid het selfs die organiseerders verras.

“Ons het geweet die gemeenskap was opgewonde oor die terugkoms van Haus of Kühl, maar die reaksie het alle verwagtinge oortref,” sê Ephraim Manana Snr, Kulturele en Ervaringsbemarkingsbestuurder by Jägermeister.

Volgens Manana bevestig die uitverkoopte eerste kaartjiefase iets wat die span nog altyd geglo het: dat mense toenemend op soek is na betekenisvolle ervarings wat verder strek as blote vermaak. Hy meen Haus of Kühl het oor die jare ontwikkel tot meer as net 'n geleentheid en dat dit vandag eerder as 'n beweging beskou kan word. Daarom sien die organiseerders daarna uit om die tweede kaartjiefase te open en nog meer mense by vanjaar se ervaring te verwelkom.

Die hoogs verwagte kunstenaarlys, asook verskeie nuwe ervarings, sal in die komende weke aangekondig word. Volgens die organiseerders kan aanhangers uitsien na 'n noukeurig saamgestelde program wat die alternatiewe, vreeslose en grensverskuiwende gees van Haus of Kühl weerspieël. Met fase een wat reeds uitverkoop is, word aanhangers aangemoedig om hul kaartjies betyds te bespreek terwyl fase twee nog beskikbaar is.

Intussen sal Alternatief in Afrikaans die ontwikkelinge rondom Haus of Kühl van nader volg, met meer besonderhede oor die line-up, eksklusiewe kunstenaarsonderhoude, agter-die-skerms inhoud en kaartjie- en hamperweggeegeleenthede wat nog voorlê. Gaan loer gerus vir meer op AIA se sosiale media bladsye.

Kry jou kaartjies nou!

Datum: 25 Julie 2026

Adres: Victoria Yards, 16 Viljoenstraat, Lorentzville, Johannesburg

Kaartjies: Fase Twee is nou beskikbaar hier