Emile Hager is dalk vir baie Suid-Afrikaners ’n bekende gesig van die skerm, maar musiek vorm lank reeds deel van sy kreatiewe wêreld. Ná die sukses van sy debuutsnit “Ek Wil” skuif hy dié hoofstuk nou verder oop met drie nuwe enkelsnitte wat oor die volgende paar maande verskyn. Die eerste hiervan, “Jy”, is ’n toonsetting van ’n gedig en fokus op daardie intense oomblik waarin ’n mens voel jy behoort volkome aan iemand, hart, liggaam en siel.